Zoigt sich am Hemmel s'Obedrot
isch Mittagszeit ganz gwies vorbei
ond wer da Fufzger auf em Buggel hot
für den isch Herbscht ond nemme Moi

So zoigt d'Natur em Johreslauf
mit Frühaleng bis zom Wenter
do fangts a ond det hörts auf
grad so,- isches bei de Menschakender

Doch guggsch d'Natur onds Wetter a
em Frühleng on dem Sommer
do woiß ma noit, wo wills denn na?
machts Fraid oim oder Kommer

Dromm isch dr Herbscht it zom verachta,
do geits da schönschta Sonnaschei
duats au am Obed bälder Nachta
jetz lachet d'Sonne aus em Wie

Roland drom brauchschd it verschrecka
vor dem Fenfer vonna da
zom laufa brauchscht no lang koin Stecka
mit Fufzge isch ma erscht en Ma

Wer wiea Du zom Hemmel gugget
jeden Tag, Johr aus, Johr ei
der sait, wenn d'Alldagsschuha au drucket
groß isch dr Hemmel, d'Welt so klei

Du guggescht de weiße Wolka noch
aber it, no grad zom Droma
weil aller moischtens woisch noch doch
s'Wetter, so könnts komma

Bei de Baura do, em ganza Land,
da isch Dei Aseha groß
weil se mit Haia wata dand,
bis Du saisch: auf die Schlepper fertig los

Wird's Wetter amol herrschaftsnei -
anders, wies Dus wettescht
isch halb so schlemm, weil's besser sei
als wenn mir gar koi Wetter hettet

Roland, mög dr Sonnaschei
die jeden Tag erwärma
ond en Reaga zwischanei
en Sanfta ond en Warma

Des wenschet Dir heit alle Leit
ond bleib so wiea Du bischd
noch, hand mit an Dir Fraid
seis Wetter grad wiea sisch

Ond zom Schluß, do wennsch i Dir
dass's Wetter duat was sott
dr Hemmel solls doch macha lau
blos no vom Roland Roth !!!!

Hugo Breitschmid